Bill-IT9

作為蘋果公司嘅非受薪打手，用咗信仰之物 iPhone Air 一個月之後，我覺得係時候講下對佢最深嘅兩個失望。

① 由三鏡頭退返做單鏡，確實有啲難受。缺少咗焦距，睇世界變得狹窄。

但最痛心嘅係—冇咗 LiDAR 鏡頭。冇咗 LiDAR 鏡頭。冇咗LiDAR鏡頭。（重要嘅事要講三次）

對焦慢得過分，又唔夠精準，真係難以接受。再加上冇咗PrORAW、120FPS 錄影，生活即時少咗一份情趣。

② 雖然電池夠用一日，但一用 MagSafe 充電就出事。機身設計令散熱困難，結果充電效率大減。當你急需「回血」，佢卻慢慢「輸血」，非常無力。

滿滿的「遺憾美」

作為 16 Pro Max 嘅舊用家，轉到iPhone Air 一個月之後，缺點令我體會到一種奇怪嘅感覺—「遺憾美」。

就好似喺 Tinder 不停向左滑，突然見到一個仙氣逼人、如同 2013年奇蹟再現嘅橋本環奈。

現今手機市場滿地奇形怪狀、毫無美感嘅設計，而iPhone Air 嘅出現，就好似回到當年見到後生橋本環奈—仙氣滿滿，沒有AI味精照片嘅年代。

iPhone Air 就好似葉劉—港大美女既視感，每逢節日旗袍登場都高貴優雅。

A19 Pro 嘅效能就如葉劉嘅工作能力，高效又強大；拋光鈦金屬邊框則似她那雙黑絲美腿—內斂又帶點性感。機身超薄輕巧，再加上神秘感滿滿嘅太空灰配色，真係令人一見傾心。誠然，內在有缺點（尤其同葉劉一樣「火辣辣」，搞到我濕晒***手汗）。

根據非正式統計：80%男性都係外貌協會，而言，葉劉擁有SSR級別的美顏，但當你知道她的內在充滿缺陷，你掙扎過後，你都會選擇包容。呢種包容，就係所謂嘅「遺憾美」。即使知道佢唔完美，我仍然選擇擁抱佢，接受佢。

一年過後，但可能同葉劉一樣，都會冇得撈，但呢部iPhone 喺我心中，絕對佔一席位，非常優秀。